• AI (All inclusive – hər şey daxil) – təkcə gündə 3 dəfə qidalanmanın deyil, bir çox əlavə xidmətlərin də qiymətə daxil olduğu yerləşmə növü. Bu xidmətlərin siyahısı oteldən asılı olaraq dəyişilir, ona görə də, Aİ-yə daxil olan xidmətlər haqqında məlumatları tur agentdən öncədən öyrənin ki, oteldə əlavə xərclərlə qarşılaşmayasınız.
• BB (bed and breakfast – səhər yeməyi daxil) – oteldə səhər yeməyi daxil yerləşdirmə nəzərdə tutulur.
• Chld (Child) – qiymət 2 nəfər böyük+uşaq üçün göstərilir.
• DBL (double – iki) – iki nəfərlik nömrə.
• ExB (extra bed) – 2 nəfərlik nömrədə əlavə çarpayı.
• FB (full board – tam pansion) – oteldə gündə 3 dəfə qidalanma (səhər+nahar+şam) rejimi nəzərdə tutulur. Nahar və şam yeməyi zamanı içkilər çox zaman bu qiymətə aid edilmir.
• HB (half board – yarım pansion) – oteldə gündə 2 dəfə qidalanma rejimi. Adətən, bu səhər və axşam yeməyi olur, amma bəzi otellərdə səhər və günorta yeməyi kimi nəzərdə tutula bilər. Nahar və şam yeməyi zamanı içkilər çox zaman bu qiymətə aid edilmir.
• OB (only bed – səhər yeməyi daxil deyil) – ancaq oteldə yerləşmə nəzərdə tutulur.
• SGL (single – tək) – bir nəfərlik nömrə.
• SV (sea view) – dəniz mənzərəli nömrə.
• TRPL (triple – üç) – üç nəfərlik nömrə.
• Suite – lüks nömrədə yerləşdirilmə. Suite otaqlar oteldən asılı olaraq Deluxe suite, Junior suite, Family suite, Executive suite və Presidential suite olmaqla bir çox növlərə ayrıla bilərlər ki, bu zaman onlar nömrənin sahəsinə, yataq və vanna otaqlarının sayına və s. amillərə görə bir-birindən fərqlənirlər.
• Bungalo – Kiçik turist mehmanxanasl (adətən, dəniz sahilində yüngül materiallardan inşa olunur). Gənclər üçün olan turizm mərkəzlərində daha çox rast gəlinir.
• Cabana – Çimərlik və ya hovuz kənarında, bunqalo tipli, əsas binadan ayrı olan tikili.
• Bellman – Otel müştərilərinin baqajını daşıyan və digər istəklərini yerinə yetirən otel xidmətçisi.
• Guide (Gid/Bələdçi) – Tursitlərlə ekskursiyanın keçirilməsi ilə məşğul olan və bunun üçün lisenziyası olan şəxs.
• Full House – Hər hansı otelin bütün nömrələrinin dolu olduğunu bildirir.
• Front Desk – Oteldə qonaqların qeydiyyata alındığı administratorun kürsüsü.
• Hotel Garni – Restoranı (hətta səhər yeməyi) olmayan otel.
• Kurort – Qonaqların rekreasiya və əyləncə məqsədləri ilə məzuniyyət müddətlərindən qaldıqları otel.
• Camping (Kemping) – Şəhərdən kənarda və ya hər hansı istirahət zonasında (ən elementar rahatlıq avadanlıqlar təchiz olunmuş yay evləri, çadırlar) avtoturistlər üçün olan düşərgə.
• Karavan turizmi – Avtoturizmin növüdür. Bu turizmdə turistin yerləşmə vasitəsi olaraq özügedən və ya avtomobilə bərkidilmiş furqon istifadə olunur.
• Ölü sezon – hər hansı bir ölkədə turizm həyatının donduğu və ya ən aşağı səviyyədə olduğu mövsüm. Bu mövsümdə qiymətlər çox aşağı olur. Hətta turizm səfərləri üçün arzuolunmaz bir dövr olur.
• Pik sezon – hər hansı bir ölkədə turizm xidmətlərinin ən çox satıldığı və qiymətlərin ən yüksək olduğu dövr.
• Transfer – Turizm məkanının sərhədləri çərçivəsində turistin bir nöqtədən digərinə avtomobil, gəmi və ya digər nəqliyyat vasitəsilə ilə çatdırılması, əsasən də, hava limanından otelə və ya əksinə.
• Tur paket – Əvvəlcədən hazırlanmış, aviabilet, otel, transfer, görməli yerlərə səfərlər, sığorta, avtomobilin icarəsi və s. xidmətlərin qiymətini özündə əks etdirən tur. Tur paketə daxil olan xidmətlərin sayı turistin istəyindən asılı olaraq dəyişə bilər, amma 3 komponent – aviabilet, otel, transfer mütləq hamısında olur.
• Voucher/vauçer (turistik və ya nəqliyyat) – Turistin bu və ya digər turizm xidmətinin (mehmanxana, ekskursiyalar, transfer və s.) ödənişini təsdiq edən sənəd. Sənəddə turistin adı, familyası, xidmətin növü, xidmətin başlanma və bitmə tarixi və saatı, xidməti göstərən şirkətin əlaqə vasitələri və s. məlumatlar əks olunur.
• Viza – Xarici passportda ölkəyə giriş hüququnu təsdiq edən və mütləq çıxış qeydlərinin əks olunduğu rəsmi qeyd (konsulluğun möhürü, qeyd vərəqəsi və s.).
• Boarding pass (Sərnişin talonu) – Təyyarəyə minmədən öncə sərnişinə verilən kart. Kartda baqaj, sərnişinin uçacağı klass, təyyarədəki oturacaq nömrəsi kimi məlumatlar öz əksini tapır.
• VİP (Very important passenger) – Xüsusi xidmətlər nəzərdə tutulmuş sərnişin.
• CİP (commercially important persons) – digər sərnişinlərə nisbətən üstünlüklərə malik olma xidmətini alan şəxs.
• Duty free goods – Gömrük vergisi alınmayan mallar. Bu əsasən hava limanlarında satılan məhsullara aid olunur.
• Direct flight (birbaşa uçuş) – iki uçuş nöqtəsi arasında təyyarə dəyişmədən, hər hansı hava limanında eniş olmadan birbaşa uçuş.
• Tranzit – Turistlərin bir ölkədən digər ölkəyə aralıq bir ölkə vasitəsilə daşınması.
• Çarter reys – Eksklyuziv olaraq hər hansı bir təşkilatdan olan və ya hansısa tur operatorun təşkil etdiyi hər hansı tura qatılan bir qrup adamlar üçün təşkil olunan reys. Çarter reyslər müntəzəm olmur, müntəzəm reyslərə nisbətdə qiymətləri daha ucuz olur.
• Açıq bilet – biletdə gediş tarixi göstərilir, lakin dönüş tarixi göstərilmir və turist qərar verdiyi zaman biletə dönüş tarixi qoyulur. Lakin nəzərə almaq lazımdır ki, açıq bilet istənilən zaman istənilən reyslə qayıtmaq imkanı demək deyil.
• Elektron bilet – elektron formada rəsmiləşdirilmiş bilet. Kağız biletdən fərqli olaraq elektron bilet aviaşirkətin məlumat bazasında əks olunan şifrələnmiş məlumatları əks elətdirir və kağız biletdən fərqli olaraq, heç bir xüsusi blank formada çapı tələb etmir – bütün iinformasiya kompyuter sistemlərinin yaddaşında saxlanılır və lazım gəldikdə bir kompyuterdən digərinə ötürülür. Bundan başqa, elektron bilet avtomatlaşdırılımış ödəmə yolları ilə (ödəmə terminalları, onlayn ödəmələr və s. ) bilet əldə etmə imkanı verir.
• Sığorta – Sığortanın şərtləri sığorta polisində öz əksini tapır. Sığorta polisi xəstəlik və ya travma hallarında tibbi xidmətin göstərilməsini təmin edən sənəddir. Bəzi ölkələrə giriş üçün tibbi sığorta mütləq şərt hesab olunur və hava limanında pasport qeydiyyatı zamanı sərhəd xidmətinin əməkdaşı Sizdən sığorta tələb edə və hətta sığortanız olmadığı halda Sizi sərhəddən geriyə – gəldiyiniz ölkəyə qaytara bilər. Səyahətlər zamanı ən çox tibbi sığorta tələb olunur.

Сообщение Turizm lüğəti появились сначала на Otello.az - otel bronlama saytı.

Bronlaşdırmanın E-poçtla ləğvi
Bookingdə otel nömrəsinin bronu zamanı sizin e-poçtunuza təsdiq məktubu göndərilir. Bu məktubda “Bronlamanı ləğv etmək” düyməsi var.

Düyməyə basdıqda siz bronlamanın məlumatları olan səhifəyə keçid edirsiniz. Səhifənin aşağısında daha bir qırmızı rəngdə “Bronlamanın ləğvi” düyməsini görəcəksiz. Bu düyməni sıxdıqda  bronu  ləğv etmiş olacaqsınız.

Vacibdir!

• Qırmızı düymənin altında yazılan məlumata diqqət yetirin. Burada bronlaşdırmanın hansı müddət ərzində ləğv olunacağı haqqında məlumat qeyd olunur.
• Ödənişsiz bron ləğvini yalnız əvvəlcədən bu opsiyanı seçdikdə etmək mümkündür.
• Booking-də çox vaxt ödənişsiz bron ləğvi  bahalı otel nömrələrinə təklif olunur.  Bron zamanı diqqətli olun. 
• Nəzərə alın ki, ödənişsiz bron ləğvi ən az sizin nömrəyə yerləşməyinizdən 2-3 gün əvvəl və ya daha tez bitir. Müxtəlif otellərdə şərtlər fərqlidir. Buna görə bronlaşdırmadan əvvəl ətraflı məlumat alın. Əgər siz bronu yerləşəcəyiniz gündən 1 gün əvvəl ləğv etmək qərarına gəlmisinizsə, otel sizin ödəmə kartınızdan ödənişi tutur və sizin məlumatlarınızı otel nömrəsindən silir. Hansı məbləğdə vəsaitin çıxılması isə oteldən və şərtlərdən asılıdır.

Bookingdə otel bronu ləğvinin şərtləri

Əgər bronlaşdırmanın ləğvinə cərimə qoyulubsa, məbləğ otel nömrəsinin ödənişindən tutulur.
Bundan əlavə hesabınızdan məbləğin tutulması zamanı problem yaranarsa, sizin E-poçtunuza cərimə ödəməsinin gərəkliliyi barəsində məlumat gəlməlidir.
Nəticə olaraq, bronlaşdırmanın E-poçtla ləğvi yalnız otelin ayırdığı vaxt ərzində planlarınızın dəyişdiyi zaman sərfəlidir.

Bookingdə ödənişsiz bron ləğvinə yetişmədinizsə, cərimədən necə azad ola bilərsiniz?

Əgər fors-major halı baş veribsə cərimədən necə azad olmaq olar?

1-ci addım
Bron etdiyiniz otelə rəsmi elektron məktubu yazın:

• Bronlaşdırmanın ləğvinin səbəbini qeyd edin
• Cəriməni nə üçün ödəyə bilmədiyinizi yazın (məsələn, pulunuz olmadığı üçün)
• Oteli çox bəyəndiyinizi və gələcəkdə yenidən bu otelə gələcəyinizi mütləq qeyd edin.
• Əgər Avropa, Asia və s. ilə əlaqə qurursunuzsa məktubu ingilis dilində yazın.
• Məktubu otelin E-poçtuna göndərin.

2-ci addım
Sizin məktubunuza iki gün sonra cavab gəlməlidir. Əgər cavab olaraq sizə bookingdə bronu özünüzün ləğv etməyinizi məsləhət görüblərsə, sonunda sizdən cəriməni ödəməyinizi tələb edəcəklər. Bu halda ikinci və daha geniş məktub yazın.

Məsələni izah edin ki, siz otelə gəlməyəcəksiniz və cəriməni də ödəyə bilməyəcəksiz. Oteldən xahiş edin ki, Bookingdən sizin bronu cəriməsiz ləğv etməyi rica etsinlər. Otel haqqında mümkün qədər çox xoş sözlər yazın. Belə möhtəşəm oteli çox qısa müddətdə bron edəcəkləri fikri ilə motivə edin.

Əksər hallarda müsbət geri dönüş olur. Əslində, Bookingdə aktiv hesab kartınızı istifadə etməmisizsə onların heç başqa çarəsi də qalmır. Əks halda otel ilə daha inandırıcı danışıqlar aparmalısınız.

Сообщение Bookingdə bronlaşdırmanı necə ləğv etmək olar? появились сначала на Otello.az - otel bronlama saytı.

Otelə pulsuz getmək

Otel nömrəsini bronlaşdırdıqdan sonra mehmanxananın aeroportdan və ya vağzaldan pulsuz transfer xidmətinin mövcudluğunu dəqiqləşdirin. Beləliklə, ictimai nəqliyyata və ya taksiyə qənaət etmiş olursunuz. Adətən aeroport və ya dəmiryolu vağzalına getmək şəhər daxilində gəzməkdən baha olur.

Kompliment almaq

Yeni evlənənlər bilirlər ki, əgər yeni evlənmələri haqqında məlumat versələr şampan butulkası, meyvə səbəti və ya spa mərkəzində endirim şansı əldə edə bilərlər. Hətta sizə pulsuz olaraq daha bahalı və rahat otağa keçməyi təklif də edə bilərlər. Bu, otelin komplimenti adlanır. Ancaq kompliment almaq üçün evlənmək mütləq deyil. Səbəb evlilik ildönümü və ya doğum günü də ola bilər. Otağınızda hər hansı sürprizin sizi artıq gözlədiyi də mümkündür.

Uşaq üçün çarpayı almaq

Körpə uşağınızla səyahət edirsinizsə beşik və ya əlavə çarpayı xahiş edin. Əsas odur ki, otelə uşaqla gəldiyiniz məlum olsun. Bronlaşdırma zamanı şərh bölməsində bu haqda yazın. Otaq kifayət qədər genişdirsə və daha bir çarpayı qoymaq mümkündürsə sizə kömək edəcəklər.

Yatmazdan qabaq çay içmək

Bütün içkilər arasında bir fincan adi tünd çay bəlkə də ən yaxşı və vacibdir. Onu otağa sifariş vermək olar. Yaxud da hər gecə işçiləri eyni şeydən ötrü yormamaq üçün çaydan almaq olar.

Trenajor zalı və spa-mərkəzinə getmək

Nəhəng otellərdə trenajor zalı, sauna, basseyn, masaj otağı və digər sağlamlaşdırıcı yerlər var. Həmin yerlərdə təkcə istirahət etmək yox birbaşa səyahət zamanı idman formasına da sahib olmaq olar. Pulsuz məşq edin.

Endirimlərdən xəbərdar olmaq, tövsiyələr almaq

Mehmanxanaların çoxunda resepşnın yanında yaxınlıqdakı kafe və restoranların tədbirlər və endirim kuponları haqqında anonsları yerləşdirilən bölmə olur. Qapıçıdan sevdiyi yerləri məsləhət verməsini xahiş edin. Beləliklə, internetdən götürdüyünüz tövsiyələrdən daha ucuz və dadlı nahar edə bilərsiniz. Yeri gəlmişkən, əgər yerli dili bilmirsinizsə yemək masasını özünüzün sifariş etməyiniz o qədər də vacib deyil. Bunu otelin əməkdaşı məmnuniyyətlə sizin üçün edər. Razı müştəri — ən yaxşı müştəridir!

Yüklərinizi otelin saxlancında yerləşdirmək

Otaqdan bu gün çıxacaqsınızsa və uçuşa hələ yarım gün və ya daha çox qalıbsa şəhərdə ağır çamadanlarla gəzmək və ya saxlama kamerası axtarmağa ehtiyac yoxdur. Otellərin çoxunda baqajınızı rəsmi olaraq çıxdıqdan sonra həmin gün ərzində saxlaya bilərsiniz. Əşyalarınızı harada saxlamağın mümkünlüyünü dəqiqləşdirin. Hətta əgər baqaj otağı yoxdursa, sizi darda qoymazlar və nə isə fikirləşərlər.

Nəhayət ən adi taksi çağırmaq

Maşın sifariş verməyi xahiş edin və yerli nəqliyyat xidmətləri bazarının bütün incəliklərini öyrənməyiniz lazım olmayacaq. Bundan əlavə, çox vaxt mehmanxananın ən yaxın daşıyıclarla müqavilələri olur və ola bilsin sizi ucuz qiymətə aparsınlar.

Сообщение Oteldə hamının bilmədiyi 8 pulsuz xidmət появились сначала на Otello.az - otel bronlama saytı.

Əslində isə onlar otel otaqlarının kateqoriyalarına görə bölgüsünün şərti terminalogiyalarıdır.

Yerləşməyə əsasən otaq növləri

• Single (şərti işarə SGL)– 1 nəfərlik 1 otaqlı. Yataq sayı – 1.  
• Double (şərti işarə DBL, DBL TWN) – 2 nəfərlik 1 otaqlı. Yataq sayı – 2 (double twin) və yaxud 1 böyük yataq.
• Triple (şərti işarə TRPL) – 3 nəfərlik otaq. Adətən otaqda 2 yataq və əlavə divan, ya da qatlanan yataq olur.
• Extra Bed (şərti işarə EXB) –əlavə yataq terminalogiyasıdır. Əsasən digər növlərlə birləşmiş variasiyalarda rast gəlinir: DBL+EXB, TRPL+EXB.   
• Child (Infant)  (şərti işarə CHD )– uşaqlı qonaqlar üçün otaqlar. Bir sıra otellərdə 12 yaşınadək olan uşaqlar əlavə yataq ilə təmin edilmir. Bu səbəbdən müxtəlif yaşda uşaqların necə yerləşdiriləcəklərini əvvəlcədən aydınlaşdırmaq lazımdır. 12 yaşdan başlayan uşaqlar üçün isə böyüklər kimi adətən əlavə yataq verilir.

 Növlərdən birləşmiş variantlar

• (SGL+CHD)- 1 nəfərlik otaq, 1 böyük və 1 uşaq üçün , (SGL+2 CHD)- 1 nəfərlik otaq, 1 böyük və 2 uşaq üçün.
• (DBL+EXB) – 2 nəfərlik otaq əlavə yataq ilə, (DBL+CHD) – 2 nəfərlik otaq 2 böyük və 12 yaşına çatmamış 1 uşaq üçün, (DBL+2 CHD) – 2 nəfərlik otaq 2 böyük və 2 uşaq üçün, (DBL+EXB+CHD) – 2 nəfərlik otaq əlavə yataq ilə 3 böyük və 1 uşaq üçün.
• (TRPL+1 CHD) – 3 nəfərlik otaq, 3 böyük və 1 uşaq üçün, (TRPL+2 CHLD) – 3 nəfərlik otaq,  3 böyük və 2 uşaq üçün.

Komfort dərəcəsinə görə otaq növləri

• Yarı lyuks kateqoriyasına daxil olan daha yaxşı layihələndirilmiş nömrələr (Junior Suite).
• Daha yaxşı layihələndirilmiş nömrələr, üstünlükləri 2 otaqdan ibarət olmaqlarıdır- lyuks kateqoriyasına daxildir (Suite).
• Yüksək komfortlu nömrələr (De Luxe).
• Dupleks nömrələr (Duplex).
• İki və yaxud üç otaqlı ailəvi nömrələr (Family Room).
• Mini-mətbəx ilə bir otaqlı nömrələr (Studio).
• Standart bir otaqlı nömrələr (Standart).
• Bungalow evlər.(Residence, Bungalow, Village, Chalet, Cabana).
• Şəxsi mətbəxi olan mənzillər. (Apartament).
• Bal ayında olan qonaqlar üçün otaqlar – lyuks kateqoriyasına daxildir. (Honeymoon Room).
• Villalar – kiçik, lyuks, iki mərtəbəli. Çox vaxt öz bağı və hovuzu olur. (Villa, Villa Deluxe, Junior Villa. President Villa).

Otel seçərkən həmçinin turistlər pəncərədən açılan mənzərəyə də diqqət yetirirlər.

Otaqdan görünən mənzərəyə görə növlər

• hovuz mənzərəsi olan otaqlar (PV, Pool View);
• park (Park View);
• dəniz (SV, Sea View);
• şəhər (CV,City View);
• dağlar (MV,Mountain View);
• okean (OV, Ocean View);

Mənzərəsi dəqiq müəyyən olunmamış otaqlar (Run of house).

İndi isə aşağıdakı formanı dolduraraq otel axtarışına başlaya bilərsiz.

Сообщение Otel otaqlarının növləri появились сначала на Otello.az - otel bronlama saytı.

Ailəvi otellərin üstünlükləri:

• təhlükəsizlik xidməti;
• təmiz qumlu çimərlik (otelin özündə olmasına daha çox üstünlük verilir);
• inkişaf etdirilmiş çimərlik infrastrukturu
• dənizə maneəsiz birbaşa keçid yolu;
• uşaqlar üçün isitmə sistemi olan hovuz (dəniz suyu olan hovuzlara daha çox üstünlük verilir);
• oyun meydançaları, zoopark, aquapark və yaxud uşaq atraksionları olan böyük yaşıllıq sahə;
• yaxınlıqda yerləşən supermarket, aptek
• rahat ailəvi otel otaqları;
• müxtəlif qidalar, uşaq menyusu;
• bütün ailəyə uyğun proqramlar;
• səs-küysüz gecə;
• otaqların yüksək keyfiyyətli təmizliyi;
• sağlamlıq imkanları (SPA, idman zalı, hamam/sauna və s.)
• uşaq-yeniyetmə klubu
• uşaq baxıcısı və yaxud uşaq baxımı servisi
• tibbi mərkəz və həkim xidmətləri

Bundan əlavə ailəvi otellər ayrılmış otaqlar və ya bir otaqlı nömrələrdə  uşaq yatağı və uşaq yemək oturacağı ilə birgə təklif oluna bilər. Əlavə üstünlük isə qab-qacaqlar, mətbəx avadanlıqları, paltar yuyan maşını olan kiçik mətbəxin olmasıdır.

Keyfiyyətli xidmətlər təklif edən ailəvi otellər uşaqların təhlükəsizliyini təmin edir. Məsələn, pilləkənlərdə tutacaqlar olur, xidmət otaqları kilidli olur, elektrik mənbələri qapayıcılar ilə qorunur  və s.

Ailəvi otellərdə xidmətlər

Uşaqlarla birgə tətilə getdikdə animatorların fəaliyyət göstərib-göstərməməsi barədə məlumat almaq pis olmazdı. Körpələr və yeniyetmələr animatorların nəzarəti altında idman və intellektual yarışlarla və yaxud rəqslə məşğul olduqları zaman böyüklər də öz istirahətlərini edə bilərlər.  

Böyük səs-küylü və ziyarətçi sayı çox olan otellərdənsə daha çox xidmətlər təklif edən kiçik rahat kurort seçmək məsləhətlidir.

Rahat və büdcəyə uyğun səyahət üçün turist sənayəsi bütün dünyada ailəvi istirahət edənlərə  geniş qiymət  aralığı ilə çox sayda otellər təklif edir. Otelləri elə indi otello.az –dan axtarın.

Сообщение Ailəvi otellər nədir? появились сначала на Otello.az - otel bronlama saytı.

Axtarış bölmələrinə lazım olan bütün məlumatları qeyd edib “Axtar” düyməsinə basdığınız zaman minlərlə sürətli hörümçəklər agentliklərə uçub otel qiymətlərini istəyib geri qayıdırlar. Biz isə onları dərhal artan qaydada sıralayıb sizə təqdim edirik. Bütün bu manipulyasiyalara cəmi 30 saniyə vaxt sərf olunur.

İndi  isə təsəvvür edin ki, bu qiymətlərin hamısını özünüz araşdırmalı olursunuz. Bunun üçün hər bir agentliyin saytına daxil olub şəhərin adını, tarixləri, qonaqların sayını seçib, açılan otellər siyahısından bəyəndiyinizi seçmək gərəkdir. Bu əməliyyatları edərkən məlumatları kağızda/cədvəldə qeyd edib, sonra isə hər dəfə bu proseduraları təkrar etmək məcburiyyətində qalardınız.

Otel qiymətləri niyə dəyişə bilər? Hər bir agentlik, otellər ilə fərqli şərtlər altında işləyir. Məsələn bir agentlik Avropada yerləşir və təbii ki, Avropa otelləri çoxdandır onlarla əməkdaşlıq edirlər. Digər agentlik Asiyada yerləşir və onların qiymətləri dünyanın bu hissəsində ən yaxşı qiymətlərdir, üçüncü agentlik isə  Amerikada və s. Bu məlumatları araşdırıb yaddaşda saxlamaqdansa otello.az-dan istifadə etmək daha sərfəlidir, axı o sizin yerinizə bu işlərin hamısını görəcək. Otellərin qiymətlərinə fərqli agentliklər vasitəsi ilə baxın:

Uyğun qiymətə otel seçdikdən sonra siz agentliyin saytına keçid edib orada bronlaşdırmanı həyata keçirirsiniz. Gəlin razılaşaq ki, bu sizin vaxtınıza, əsəblərinizə və pulunuza qənaət etməyə kömək edəcək. Otelləri elə indi aşağıdakı sadə formada və yaxud otello.az saytı vasitəsi ilə tapa bilərsiniz.

Сообщение Otelləri necə axtarmaq olar? появились сначала на Otello.az - otel bronlama saytı.

Oteli necə seçmək lazımdır?

Saytın əsas səhifəsində otel axtarışı və bronlaşdırılması bölməsinə şəhəri, tarixi və qonaqların sayını daxil etdikdən sonra otellərin böyük siyahısı açılır. Daha dəqiq seçim üçün daha çox məlumat yerləşdirək:

Ekran görüntüsündə 31 filtrin yerləşdiyi və müxtəlif ayırımların qeyd olunduğu  Otello saytının yuxarı hissəsi görünür. Sizin istəklərinizə tam uyğun oteli seçmək üçün sizə aşağıda qeyd olunmuş alətlərdən istifadə etməyi tövsiyə edirik.

• Büdcənizə uyğun olan məbləğ seçmək
• Otelin ulduzlarının sayını seçmək
• Yaxın ərazilərdə olan otellərin siyahısını görmək üçün gəzəcəyiniz  yerlərin və ya dəqiq ünvanların cədvəlini qeyd etmək
• Həmçinin otelləri qonaqların rəylərinə və qiymətləndirməsinə görə seçə bilərsiniz.

Yüksək rəyləri olan otellərin qiyməti heç də hər zaman ən bahalı olmaya bilər. Bəzi hallarda bahalı beş ulduzlu otellərin qiymətləndirməsi yüksək olmur və ya əksinə.

 Otelin dəqiq adını bilirsinizsə filtr vasitəsi ilə ilk hərifini və yaxud tam adını yazıb axtarışa verə bilərsiniz.

Həmçinin sizə vacib olan (və ya arzuolunan) xidmətləri seçim edə bilərsiniz.

• restoran
• avtodayanacaq
• heyvanlara icazə var
• TV
• camaşırxana
• kondisioner
• internet
• hovuz
• fitness mərkəzi

Sizin üçün uyğun olan yaşayış yerini qeyd edin: otel, qonaq evi, mənzil, hostel, motel, apartotel və s.

 “Əlavə” bölməsində isə tam fərqli xidmətlər siyahısı açılır: ödənişsiz Wi-Fi, səhər yeməyi daxildir, ödənişsiz ləğv, bank kartı olmadan bronlaşdırma və hətta siqaret çəkməyə icazə olan otellər.

otello.az servisinin köməyi ilə otel seçiminizi daha rahat edə bilərsiz.

Сообщение Otel seçimini necə edək? появились сначала на Otello.az - otel bronlama saytı.

Əlavə bölməsində olan xidmətlər:

• Wi-Fi;
• səhər yeməyi daxildir;
• ödənişsiz ləğv;
• bank kartı olmadan bronlaşdırma;
• siqaret çəkməyə icazə verilən otel otaqları.

Ümidvarıq ki, otello.az saytının köməyi ilə otel seçimi sizə böyük yalnız zövq yaşadacaq!  Sizin rahatlığınız üçün digər səhifələrə keçmədən  aşağıdakı formadan otel seçiminizi həyata keçirə bilərsiniz.

Сообщение Otel xidmətləri haqqında necə məlumat almaq olar? появились сначала на Otello.az - otel bronlama saytı.

Oteldə ödənişsiz xidmətlər

Ödənişsiz Wi-Fi

Qonaqları internet ilə təmin etməyən otel təsəvvür etmək çətindir.  Adətən naqilsiz şəbəkədən otelin bütün ərazisində, nadir hallarda yalnız lounge zonada istifadə etmək mümkündür. Qonaqlar yerləşdirilərkən şəbəkəyə qoşulmaq üçün şifrə verilir.  Bəzi biznes-otellər iş aləti kimi istifadə edənlərə naqilli internet şəbəkəsi təklif edirlər.

Bank kartı olmadan

Mehmanxanaların çoxunda bronlaşdırmanı edəndən dərhal sonra müştərinin kartını ya blok edirlər, ya da vəsaiti silirlər. Belə tədbirlər daha sonra aşkar olunacaq dəymiş ziyan ehtimallarından qorunmaq üçün görülür. Lakin bir çox müştərilər fırıldaq qurbanı olmamaq üçün  kartlarının rekvizitlərini internetdə daxil etmək istəmir. Həmçinin gəlmədən öncə əksər müştərilər vəsaitlərin silinməsinə  razılıq vermir.

Bu səbəbdən də otellər hər zaman kartsız bronlaşdırma imkanlarının siyahısını genişləndirirlər. Hal-hazırda ən populyar olan:

• nağdsız bank köçürməsi;
• yerləşərkən nağd ödəniş;
• elektron valyutadan istifadə;

təklf edilir.

Heyvanların yerləşdirilməsi

Bəzi otellərdə heyvanların rahat və təhlükəsiz yerləşdirilməsi üçün şərait var.  Saxlama şərtləri və karantin ehtiyacını  elektron poçt ilə əvvəlcədən menecer ilə müzakirə etmək yaxşı olardı.

Ödənişsiz ləğv

Müştəri uğrunda mübarizələrdə otellər qonaqları xüsusi bronlaşdırma şərtləri ilə cəlb edirlər. Səyahət əvvəlcədən planlaşdırılanda gəliş tarixini dəyişmək ehtimalı yüksək olur. Belə hallarda ödənişsiz ləğv variantı daha uyğundur. Bu seçim yalnız otelin administrasiyasına əvvəlcədən xəbərdarlıq edəndə qəbul edilir (adətən planlaşdırılmış tarixdən 3 gün əvvəl).

Oteldə siqaret çəkmək

İctimai yerlərdə siqaret çəkməyə dair qanunvericilik daim sərtləşir. Bir çox otellərin ərazisində siqaret çəkmək qəti qadağandır. Qanunu pozanlar bilməlidirlər ki, otaqlarda tütün tüstüsü sensorları var. Qadağan olunmayan otellərdə isə, siqaret çəkənlər üçün xüsusi ayrılmış otaqlarda, yaxud ərazidə çəkə bilərlər.

Oteldə ödənişsiz səhər yeməyi

Qəlyanaltı bronlaşdırılma zamanı müzakirə olunmayıbsa otel xərcinə daxil deyildir. Səhər yeməyi menyusu otelin kateqoriyasına və ulduzlarına uyğun olaraq dəyişir. Kontinental səhər yeməyi menyusuna soklar, isti içkilər, yağ və cem ilə  kökələr daxildir. Məşhur ingilis qəlyanaltısı kontinentaldan, menyuda əlavə qayğanağın olması ilə  fərqlənir.  Ən populyar variant isə müxtəlif yeməklər təklif olunan isveç masasıdır.

Otellərdə ödənişli xidmətlər

Otaqda məişət texnikası

Otaqda fen və ya mini-bar olmadığı halda onları sifariş edə bilərsiniz. Otellərdə otağa çaydan götürmək nadir hallarda mümkündür. Paltarınızı ütüləmək ehtiyacı duyduqda isə ütüləmə üçün xüsusi otağa getmək məcburiyyətində qalacaqsınız.

İş və yaxud istirahət

Standart otel nömrələrində rahat stol və kreslo olmur.  Əvəzində iş üçün ayrılmış xüsusi yerlər mövcuddur.  Hətta beynəlxalq çıxışı olan telefonlar da otel xidmətlərinə daxil edilə bilər. Passiv istirahət sevənlər  isə bəzi kabel televiziya kanallarını qoşa bilər.

Ziyafətlər

Əyləncə üçün əlavə ödəniş olunmalıdır. Lakin bəzən otellər qonaqları üçün təqdimatlara, hovuza və sağlamlıq mərkəzlərinə biletləri hədiyyə olaraq təqdim edirlər. Ən müasir otellərdə isə daha aktiv istirahət üçün aşpazlıq, surfing, rəssamlıq dərsləri keçirilir.

Əla rəylər qazanmaq uğrunda mübarizə, otelləri yeni seçimlər təqdim etməyə və mövcud olanları inkişaf etdirməyə sövq edir.

Otelləri və otel xidmətlərini elə indi axtarışa verin.

Сообщение Ödənişli və ödənişsiz otel xidmətləri və otaq seçimləri появились сначала на Otello.az - otel bronlama saytı.

Ümumilikdə, otellər bir çox qidalanma variantları təklif edə bilərlər:

BО, RO və BB ekonom-variant

Əgər siz qənaət etmək istəyirsinizsə, bu zman sizə RO, BО və BB qidalanma növləri uyğun gələcək.

OB – “only bed” – yalnız gecələməyi nəzərdə tutur,

RO – “room only” – yalnız yaşayışı nəzərdə tutur,

BB – “bed and breakfast” – yaşayışın dəyərinə yalnız səhər yeməyi daxildir.

Müsbət tərəflər: Bu növ mehmanxanalar seçdikdə siz həqiqətən qənaət etmiş olacaqsınız, çünki otellər adətən gəlirlərinin çox hissəsini məhz qida sahəsindən əldə edir. Bundan əlavə siz acdığınız zaman, vaxt və təklif edilən yemək çeşidində məhdudiyyətlər olmadan səlbəst şəkildə seçim edə bilərsiniz.

Mənfi cəhətlər: Bəzi ölkələrdə, (məsələn, BƏƏ və Avropa ölkələrində) ayrıca qidalanma bəzən daha baha başa gələ bilər. Bundan əlavə qaldığınız otelin yaxınlığında restoran çeşidi də olmaya bilər.

HB, HB+, FB+ pansion

HB, HB+, FB+ tipli pansionlar əsasən istirahət zamanı spirtli içkilərdən az istifadə edən və isveç masasına üstünlük verənlər üçündür. Bu üç və dörd ulduzlu otellərdə ən çox yayılmış qidalanma tiplərindəndir.

НВ – “half board” – səhər və şam yeməyi, həmçinin ödənişsiz çay, kofe və su təklif edən yarım pansion növüdür,

HB+ – “half board+” – səhər və şam yeməyi, həmçinin bütün gün ərzində yerli istehsallı alkoqollu və alkoqolsuz içkilər təklif edən yarım pansion növüdür.

FB – “full board” – səhər yeməyi, nahar və şam yeməyi təklif edən tam pansion növüdür. Burada içkiləri əlavə ödənişlə əldə etmək mümkündür.

FB+ – “full board+” – səhər yeməyi, nahar, şam yeməyi və pulsuz içkilər təklif olunan tam pansion növüdür.

Müsbət tərəfləri: İstirahətiniz zamanı ac qalmayacaqsınız və “all inclusive” növündən fərqli olaraq daha az ödəniş etmiş olacaqsınız.

Mənfi cəhətləri: Vaxt məhdudiyyəti. Məsələn, bir çox otellərdə səhər yeməyi saat 7.00-dan 11.00-dək davam edir.

ALL, Al, UAL, UAI hər şey daxil

İstirahət zamanı özlərinə heçnədə imtina etməyənlər üçün ideal variant – Al, UAL, UAI, ALL tipli qidalanma növləridir.

ALL, Al – səhər, nahar və şam yeməyindən (isveç masası) başqa, gün ərzində sizə yerli istehsal olan spirtli və spirtsiz içkilər, əlavə qidalanma, yüngül qəlyanaltılar, barbekü və s. təklif edilir.

UAL, UAI – “ultra all inclusive” – bu halda sizə restoranda 5 dəfəlik tam qidalanma, bundan əlavə gün ərzində yerli və xarici istehsallı içkilər, geniş çeşiddə qəlyanaltı və şirniyyat seçimi təklif edilir.

Müsbət tərəflər: Siz bu xidmətləri seçdikdə istirahət zamanı yemək və aclıq haqqında bütün düşüncələri kənara qoyub rahat dincələ biləcəksiniz.

Mənfi cəhətləri: Bu tip qidalanma növü çox bahalıdır.

Сообщение Oteldə qidalanma növlərinin qruplaşdırılması появились сначала на Otello.az - otel bronlama saytı.